O Foro Verde continúa as súas actividades cunha cita escolar, visitando o CEIP As Gándaras.

No CEIP As Gándaras, o máis próximo ao lugar onde se están desenvolvendo as accións do noso proxecto, os alumnos e alumnas de 6º de Primaria puideron coñecer máis polo miúdo todo o que se está a levar a cabo.
Da man da USC coñeceron os tipos de árbores autóctonas coas que se están a recuperar os espazos naturais, a diversidade da área e a importancia de protexer e recuperar esta contorna para a poboación actual e para a futura.

As actividades do Foro Verde continúan nos vindeiros meses e poden consultarse a través da nosa axenda ou subscribíndose ao boletín de noticias.