O Foro Verde continúa coas presentacións do proxecto
O proxecto LIFE Lugo + Biodinámico continúa realizando presentacións do Plan Biodinámico e o Catálogo de Solucións de Deseño Urbano, dentro das actividades do Foro Verde que continúan neste 2022. Nesta ocasión, ao mesmo tempo que se celebraba en Lugo o encontro do LIFE Lugo + Biodinámico “Construíndo Cidades Sostibles”, o día 19 de decembro, presentáronse o Catálogo de solucións de deseño urbano e o Plan Biodinámico no IES Leiras Pulpeiro, e o 20 no IES Ánxel Fole. Ademais, o mesmo día 20 de decembro, o proxecto era presentado ante o persoal técnico da Deputación da Coruña, pondo o foco neste caso na análise das Zonas de Confort Climático Residencial.
O obxectivo destas presentacións, baixo o paraugas do Foro Verde do proxecto no que se recollen as diferentes actividades divulgativas arredor do LIFE Lugo + Biodinámico, é dar a coñecer o desenvolvemento e o beneficio que as accións establecidas tanto no presente da cidade coma no futuro.
Podes ver imaxes das presentacións nesta galería:
