O vindeiro mércores 23 de xuño impártese o último seminario do webinar “Impulso da madeira en Galicia” do proxecto LIFE EcoTimberCell, que terá como protagonista ao LIFE Lugo + Biodinámico.

Este webinar, que xa tivo dúas xornadas anteriores celebradas os días 9 e 16 deste mes, está centrado no impulso da madeira en Galicia e para este último episodio contará coa presenza do xerente do LIFE Lugo + Biodinámico Boris Hinojo, e o profesor da UPM Antonio Lara. Durante as súas palestras presentarán o proxecto LIFE Lugo + Biodinámico, precursor do LIFE EcoTimberCell e farán especial fincapé no proceso de construción do edificio Impulso Verde.

Para asistir e participar nesta xornada online é preciso inscribirse a través deste formulario.