O Foro Verde continúa dilvulgando o proxecto LIFE Lugo + Biodinámico entre os veciños e veciñas máis cativos de Lugo, grazas ás actividades programadas en colaboración cos centros de ensino primario da cidade.

Estas citas, que comezaron co motivo do Día Mundial dos Humidais, iniciáronse o día 7 de febreiro cunha actividade divulgativa no CEIP Albeiros que congregou a máis de 50 alumnos de 5º de Primaria e espertou o seu interese sobre o desenvolvemento das accións que o proxecto está a levar a cabo na contorna da escola.

As vindeiras citas terán lugar nos seguintes centros de ensino:

– Na semana entre o 11 e o 15 de marzo visitaremos o CEIP Illa Verde
– O 27 de marzo estaremos no CEIP Virxe da Soidade
– O 4 de abril o proxecto presentarase no CEIP Anexa

O Foro Verde continuará ampliando as datas para dar a coñecer o proxecto. Se queres coñecelas todas, podes consultar a nosa axenda ou subscribirte ao noso boletín de novas e estar ao tanto de todo o que acontece no LIFE Lugo + Biodinámico.